"Neftçi"nin futbolçusu Rəhman Hacıyev Premyer Liqanın VIII turunda "Zirə" ilə səfər matçında əvəzlənməsini narazılıqla qarşılayıb.
Sportnet.az-ın məlumatına görə, millimizin yarımmüdafiəçisi meydanı tərk etdikdən sonra ehtiyat oyunçular skamyasına tərəf yox, birbaşa paltardəyişmə otağına yollanıb. Hacıyev millimizdə də birgə işlədiyi baş məşqçisi Elxan Abdullayevə etirazını bu formada nümayiş etdirib.
Həmin anda Abdullayev məcburi dəyişiklik etməli olub. Rahil Məmmədov qırmızı vərəqə alaraq meydandan çıxarıldığından, baş məşqçi müdafiənin mərkəzinə Elvin Bədəlovu buraxmalı olub. "Neftçi"nin çalışdırıcısı bunu Hacıyevi oyundan almaqla etməyi məqsədəuyğun sayıb.
