Azərbaycan Premyer Liqasının IX turunun "Sumqayıt" - "Qəbələ" matçında hakim səhvi üzə çıxıb. Sportnet.az-ın məlumatına görə, baş hakim Rəhim Həsənov oyunun 85-ci dəqiqəsində Mirabdulla Abbasovla Rafael Santosun top uğrunda mübarizəsində baş verən qayda pozuntusunu düzgün qiymətləndirməyib.
İlk olaraq Abbasov əli ilə Santosun üzünə zərbə endirib. Ardınca "Qəbələ"nin legioner futbolçusu rəqibinin boynuna zərbə vurub. Həsənov sarı vərəqəni qonaq futbolçuya göndərib.
Mübarizə nəticəsində Santosun burnu sınıb. Bu səbəbdən o, 15 gün məşq edə bilməyəcək və komandasına kömək etməyəcək.
Qeyd edək ki, oyun 2:2 hesabı ilə başa çatıb.
