"Qarabağ"ın kapitanı Rəşad Sadıqov Azərbaycan Premyer Liqasının XVIII turunda Gəncədə "Kəpəz"ə qarşı oynamayacaq.
Klubdan Sportnet.az-a verilən məlumata görə, 35 yaşlı müdafiəçi zədə üzündən meydana çıxmayacaq.
Onun XVI turda AZAL-la oyun öncəsi aldığı zədə hələ sağalmayıb. Əvəzində Riçard Almeyda 4 oyunluq diskvalifikasiyasını başa vurub. O, XIII turda "Qəbələ"ni 2:1 hesabı ilə yendikləri oyunun uzatma dəqiqələrində aqressiv hərəkəti üzündən cəzalanmışdı.
"Qarabağ" Gəncəyə bu gün yollanacaq. Təyyarə reysləri bərpa olunmadığından, komandanın oyun günü səfərə çıxması alınmayacaq.
Qeyd edək ki, AZAL-la oyunda zədələnən ötən mövsümün bombardiri Dani Kintana qalan oyunlarda meydana çıxmayacaq.
