Hər iki komanda üçün axırıncı şanslar idi. 3 xal vacib idi. Rəqib güclüdü, yaxşı oyunçuları var, sadəcə, uyğunlaşmaq üçün zamana ehtiyacları var. İlk yarıda pressinq edib, nəticə qazandıq, fasilədən sonra əks-hücumlara üstünlük verdik".
Sportnet.az-ın məlumatına görə, bunu "Kəpəz"in baş məşqçisi Şahin Diniyev evdə "Neftçi"ni 2:0 hesabı ilə yendikləri Azərbaycan Premyer Liqasının XXV tur matçından sonra mətbuat konfransında deyib.
51 yaşlı mütəxəssis oyunun sonlarında müdafiəyə çəkilmələrinin səbəbini belə izah edib: "Əks-hücumda oynadıq. Bundan başqa, nəticədən irəli gələn psixoloji durum da var idi. Hamı hesabı düşünürdü".
Diniyev Avropa Liqasına vəsiqə qazanmaq üçün sonadək döyüşəcəklərini də vurğulayıb (Futbolinfo.az).
