"Kəpəz” yay "transfer pəncərəsi” dövründə heyətinə legioner futbolçu cəlb edə bilər.
Sportnet.az-ın məlumatına görə, Gəncə təmsilçisi hazırda AZAL-da çıxış edən Sadio Tounkara ilə ciddi maraqlanır. "Təyyarəçilər”in heyətində özünü yaxşı tərəfdən göstərən 24 yaşlı oyunçunun məhz "transfer pəncərəsi” dövründə "Kəpəz”ə keçə biləcəyi gözlənilir.
Qeyd edək ki, malili yarımmüdafiəçi 2012 - 2015-ci illərdə "Xəzər Lənkəran”da çıxış edib. O, öz ölkəsində "Janna Dark”, Kiprdə isə "Enosis Neon Paralimni” klublarında da oynayıb.
