"Neftçi" komandasının baş məşqçisi Elxan Abdullayev Azərbaycan Premyer Liqasının XXVIII turunda evdə "Qarabağ"a 1:2 hesablı məğlubiyyətdən sonra təşkil edilən mətbuat konfransına qatılıb. Sportnet.az-ın məlumatına görə, 47 yaşlı mütəxəssis əvvəlcə oyunu şərh edib, daha sonra jurnalistlərin suallarını cavablandırıb.
- Bu gün çempiona qarşı oynamışıq. İlk hissədə bərabər oyun getdi. Fasilədən sonra "Qarabağ” təzyiqi artırdı və qollar vurdu. Həyat davam edir. Növbəti mövsümə hazırlaşacağıq.
- Azarkeşsiz oyun xoşunuza gəldi?
- Bu mövzunu şişirtmək istəmirəm. Sözümü təkcə "Forza "Neftçi”yə deməmişəm. Sadəcə, bəzi azarkeşlər var ki, gəlib söyüş söyürlər. Həmin azarkeşləri nəzərdə tutmuşam.
- Təssüf ki, 7-ci pillədə bitirdik. Komandaların sayı olsa da, çox maraqlı çempionat oldu. "Qarabağ” və "Qəbələ”ni çıxmaq şərti ilə qalan komandalar eyni səviyyədə idi. Yeni mövsüm barədə danışmaq hələ tezdir. Qarşıda komandanın iclası olacaq. Ondan sonra bu barədə danışarıq. Vaxtımız çoxdur.
- Əlbəttə ki, razı deyiləm. Çempion olsaydıq belə, özümdən narazı olacaqdım. "Neftçi”də öz işimin 30 faizini görmüşəm. Hələ qarşıda daha çox vaxtımız var.
- Vəli Qasımov da ötən il komandanı avrokuboklarda irəli apara bilmədi və nəticədə göndərildi. Onunla fərqiniz nədir?
- Qasımovla özümü müqayisə etmək istəmirəm. Biz avrokuboklarda iştirak etmək üçün tam hazır olmalıyıq. Bu gün "Neftçi” Avroliqaya hazır deyil. İstəyirik ki, tam hazır olub, uğurlu nəticələr əldə edək.
- Söz yox, komanda uğurlu çıxış etmədi. Amma bu barədə danışmaq istəmirəm. Məni rəhbərlik tələsdirmir. Burda qalıb işimi görəcəyəm. Rəhbərlik mənə güvənir və özümü doğruldacağam. Kimsə məni sevməyə bilər. Hər kəsin öz fikri var. Fakt budur ki, "Neftçi"nin baş məşqçisiyəm. Ya dözməlisiniz, ya da vurub öldürməli.
