"Neftçi"nin baş məşqçisi Elxan Abdullayev köməkçilərindən birini müəyyənləşdirib. Bu barədə Sportnet.az-a 47 yaşlı mütəxəssisin özü məlumat verib.
O, "Bakı"nın sabiq baş məşqçisi Novruz Əzimovla müqavilə bağladıqlarını bildirib. Abdullayev daha bir köməkçi-məşqçinin xaricdən olacağını əlavə edib.
Qeyd edək ki, Novruz Əzimov 1982, 1985-1989 və 1991-1992-ci illərdə "Neftçi”nin heyətində 146 oyun keçirib, 5 qol vurmuş Əzimov Azərbaycan çempionudur (1992). "Kəpəz” və AZAL klublarında məşqçi kimi çalışmış mütəxəssis "Bakı”nın baş məşqçisi, məşqçisi və idman direktoru vəzifələrini yerinə yetirib. Baş məşqçi kimi Azərbaycan kubokunun qalibi olub (2011/2012). O, yeni vəzifədə İqor Getmanı əvəzləyib. Elxan Abdullayevin digər köməkçiləri isə fiziki hazırlıq üzrə məşqçi Andrey Kolesnikovla qapıçılarla iş üzrə məşqçi Dmitri Kramarenkodur.
