UEFA beynəlxalq dərəcəli futbol hakimlərinin 2017-2018 mövsümünün ilk yarısı üçün kateqoriyalarını açıqlayıb. Sportnet.az-ın məlumatına görə, azərbaycanlı FİFA referilərinin siyahısında dəyişiklik baş verməyib.
Əliyar Ağayevin birinci kateqoriyaya keçəcəyi gözlənilsə də, o, yenə ikinci kateqoriyaya malik referilər siyahısında saxlanılıb. Rəhim Həsənov və Ömər Paşayev isə üçüncü kateqoriyalılar siyahısında yer alıblar.
Qeyd edək ki, AFFA Hakimlər Komitəsinin sədri Xaqani Məmmədov qışda hakimlərin kateqoriyaları açıqlanarkən, Əliyar Ağayevin 2017-2018 mövsümünün əvvəlindən birinci kateqoriyaya keçəcəyini açıqlamışdı.
