Türkiyənin PTT birinci liqasında çıxış edən "Manisaspor" klubu heyətini azərbaycanlı oyunçu ilə gücləndirə bilər.
Sportnet.az-ın əldə etdiyi özəl məlumata görə, türk klubu Ruslan Tağızadəni düşərgəsinə dəvət edib. 23 yaşlı müdafiəçi klubunun prezidenti tərəfindən Türkiyəyə dəvət olunub. Onun yaxın günlər ərzində "Manisaspor"la rəsmi müqavilə imzalayacağı gözlənilir.
Qeyd edək ki, "Neftçi" yetirməsi olan Ruslan, "Abşeron", "Sumqayıt", AZAL, "Qəbələ", "Zaqatala" və "Səbail"də oynayıb.
