Çernoqoriya I Liqasında çıxış edən "Bokel" klubunun qapıçısı Qoran Lenats tanışı ilə birgə etdiyi məşq vaxtı güllələnib.
Sportnet.az-ın məlumatına görə, 33 yaşlı qolkiper xəstəxanaya kritik vəziyyətdə çatdırılıb. Lakin həkimlər onun həyatını xilas edə bilməyiblər. Polislər qatili tapmaq üçün Kotor şəhərini blokadaya alıblar. Güman olunur ki, cani şəhərlə yaxşı tanış olduğu üçün qaranlıqda gizlənə bilib. O, Lenatsı vurduqdan sonra havaya bir neçə atəş açaraq, şahidləri qorxudub.
Qeyd edək ki, ölən qapıçı klubda və şəhərdə hörmətli insan olub. O, yerli futbol istedadlarını öz vəsaiti hesabına maliyyələşdirib.
