"Barselona”nın futbolçusu Arda Turan "Qalatasaray”a dönmək istəyir.
Sportnet.az xəbər verir ki, bu barədə İstanbul təmsilçisinin sabiq yarımmüdafiəçisi Ərgün Pəmbə DHA-ya bildirib.
O, 30 yaşlı futbolçunun oynamasnın çox vacib olduğunu söyləyib: "Arda oynadıqca futbolunu təkminləşdirir. "Barselona”nın baş məşqçisi ona şans vermir. O, oynasa, komandasına çox kömək edə bilər. Arda faydalı olacağı kluba getsə, daha yaxşı olardı. Hesab edirəm ki, o da bunu edəcək. Arda "Qalatasaray”ı çox sevir. "Qalatasaray”a qayıtmaq istədiyini bilirəm. O, "Qalatasaray”a həyat verəcək ulduz futbolçudur . İnanıram ki, gəlsə, ən yaxşı şəkildə xidmət edəcəkdir”.
Qeyd edək ki, A.Turan 2011-ci ildə "Qalatasaray”dan İspaniyanın "Atletiko”, 4 il sonra isə "Barselona”ya keçib.
