"Kəpəz” Topaz Premyer Liqasının VIII turu çərçivəsində "Zirə” ilə keçiriləcək səfər oyununa itkilərlə çıxacaq.
Sportnet.az Gəncə təmsilçisinin rəsmi saytına istinadən xəbər verir ki, 3 futbolçu "sarı-göylər”ə kömək edə bilməyəcək.
Müdafiəçi Azad Kərimov, yarımmüdafiəçilər Əli Səmədov və İlkin Sadıqov matçı tribunadan izləməli olacaq. Bu oyunçular zədəlidir. Onlar məşq prosesində zədələniblər. Qeyd edək ki, bu gün keçiriləcək matç saat 16:00-da başlayacaq.
