Topaz Premyer Liqasının X turunda "Neftçi”nin qonağı olacaq "Sumqayıt” komandası bugünkü məşqini Bakı Olimpiya Stadionunun ehtiyat meydanında keçirib.
Sportnet.az-ın məlumatına görə, Samir Abasovun rəhbərlik etdiyi komanda saat 15:00-da bir araya gəlib. Ötən tur "Zirə” ilə qarşılaşmanın gedişində zədə alan Cavid Tağıyev məşq prosesində iştirak etməyib. Əvəzedici heyətdən Ramazan Həsənov və Fərid Kərimzadə əsas komanda ilə birgə çalışıb. Təxminən 1.5 saat davam edən hazırlıq prosesində daha çox toplu çalışmalara üstünlük verilib. Məşq ikitərəfli oyunla yekunlaşıb.
