İspaniyanın "Barselona" klubu futbolçusu Lionel Messi ilə ömürlük müqavilə imzalamağa hazırlaşır.
Sportnet.az "El Mundo Deportivo"ya istinadən yaydığı xəbərə görə, Kataloniya təmsilçisinin rəhbərliyi argentinalı hücumçunun karyerasının sonuna kimi "Barselona"da qalmasını istəyir. Bununla bağlı 30 yaşlı oyunçu ilə danışıqlar davam etdirilir.
Qeyd edək ki, "Barselona" bundan əvvəl L.Messi ilə müqavilənin 2021-ci ilə qədər uzadıb, lakin hələ rəsmi açıqlama verilməyib.
