"Atletiko" və "Real Madrid" komandaları arasında keçirilmiş İspaniya La Liqasının XII tur matçı zamanı xoşagəlməz olay baş verib. Sportnet.az-ın AS nəşrinə istinadən məlumatına görə, qarşılaşmanın təşkil olunduğu "Metropolitano" stadionunun mühafizəçisi azarkeş hücumuna məruz qalıb.
İnsident görüşün bitiminə 10 dəqiqə qalmış stadion yaxınlığında yaşanıb. Mühafizəçilər stadiona biletsiz girmək istəyən azarkeşi tutmağa çalışıblar. Bu zaman fanat onlardan birinə hücum edərək, sifətinə zərbə endirib. Zərərçəkən xəstəxanaya çatdırılıb. Sonradan onun bir gözünün kor olduğu müəyyənləşib.
İnsidentdən sonra azarkeş aradan çıxıb. "Atletiko" klubu onun tapılması üçün polisə müraciət edib.
Qeyd edək ki, Madrid derbisində qalib müəyyənləşməyib - 0:0.
