Futbol üzrə Azərbaycan Premyer Liqasında çıxış edən "Kəpəz” komandasının qış hazırlıq proqramı müəyyənləşib.
Sportnet.az Gəncə klubunun rəsmi saytına istinadən xəbər verir ki, istirahətə buraxılan kollektiv 2018-ci il yanvarın 5-də Bakıda bir araya gələrək tibbi müayinədən keçəcəklər.
Futbolçular ayın 7-də baş məşqçinin sərəncamında olacaqlar. Yanvarın 8-dən isə "sarı-göylər” gündə iki dəfə olmaqla təlim-məşq toplanışına start verəcəklər. Ayın 13-nə kimi komanda "Dalğa Arena”da məskunlaşacaq. Daha iki gün isə futbolçular Azərbaycan Dövlət Bədən Tərbiyəsi və İdman Akademiyasının stadionunda hazırlıq keçəcək.
"Kəpəz”in üzvləri yanvarın 16-da istirahət edəcək. Bir gün sonra isə komanda Türkiyəyə yollanmaq üçün Heydər Əliyev Beynəlxalq Hava Limanında toplaşacaq. "Kəpəz” hazırlığın bundan sonrakı hissəsini Antalyada davam etdirəcək. Gəncə klubu fevralın 2-dək qardaş ölkədə olacaq.
