"Kəpəz” klubunda daha bir təyinat reallaşıb.
Sportnet.az-ın məlumatına görə, əvəzedici komandanın məşqçisi Mətləb Məmmədov klubda uşaq futbolunun rəhbəri təyin olunub. Onun vəzifəsi aşağı yaş qrupları üzrə komandalara nəzarət edib uşaq futbolunun inkişafına dəstək verməkdən ibarət olacaq.
Məmmədov təyinatı ilə bağlı kapazpfc.az-a açıqlamasında göstərilən etimadla əlaqədar klub rəhbərliyinə minnətdarlığını bildirib. O, ümidləri doğrultmaq üçün əlindən gələni edəcəyini söyləyib: "Kəpəz” mənim üçün doğma klubdur. Burada oynamışam, karyeramı başa vurduqdan sonra məşqçi kimi də çalışmışam. Bu klubda işləmək, oynamaq hamı üçün böyük şərəfdir. Müəyyən fasilədən sonra yenidən doğma komandamıza döndüm. Həm əvəzedici heyətin məşqçisi, həm də uşaq futbolunun rəhbəri kimi "Kəpəz”ə xidmət göstərəcəm. Yaxşı futbol oynamağı bacaran oyunçular yetişdirməliyik ki, onlar da gələcəkdə komandamızın şərəfini layiqincə qorusunlar. Klubumuzun uğur qazanması üçün səylə çalışmalıyıq”.
