İspaniyanın "Barselona" klubunun yeni transferi Filippe Koutinyo tarixdə ikinci ən bahalı futbolçuya çevrilib. Sportnet.az-ın məlumatına görə, bu, braziliyalı yarımmüdafiəçinin keçidinə dair İngiltərə "Liverpul"u ilə əldə olunmuş razılaşmadan sonra gerçəkləşib.
"The Telegraph" nəşri yazır ki, Kataloniya klubu 25 yaşlı oyunçudan ötrü 160 milyon avro ödəyib. Ən bahalı futbolçu isə daha bir braziliyalı Neymardır. Hücumçu 2017-ci ilin yayında "Barselona"dan Fransa PSJ-sinə 222 milyon avroya keçib.
Qeyd edək ki, Filippe Koutinyo ilə 5,5 illik müqavilə bağlanılacaq.
