Bakının "Keşlə” futbol komandasının əsas geyim formasının rəngi dəyişdirilib.
Sportnet.az xəbər verir ki, bu barədə "Report"a paytaxt klubundan bildirilib. Bakılılar 2004-cü ildən bəri yararlandıqları göy rəngdən imtina ediblər.
"Keşlə” qış fasiləsindən sonra ev oyunlarına qırmızı rəngli forma ilə çıxacaq. Komandanın digər formasının rəngi isə ağ olaraq qalacaq.
Qeyd edək ki, "İnter” klubu 28 oktyabr 2017-ci ildən - Azərbaycan Premyer Liqasının cari mövsümünün X turundan etibarən "Keşlə” adı altında çıxış etməyə başlayıb. Həmin vaxt komandanın adı, loqo və bayrağı dəyişdirlsə də, ev oyunlarına əvvəlki göy rəngli forma ilə çıxırdı.
