"Real Madrid" klubu İspaniya La Liqasının XIX tur matçında evdə "Vilyarreal"a uduzub. Sportnet.az-ın məlumatına görə, "Santyaqo Bernabeu" stadionunda keçirilmiş görüş qonaqların qələbəsi ilə yekunlaşıb - 1:0.
Yeganə qolu 87-ci dəqiqədə Pablo Fornalyes vurub. Bu qələbə sayəsində xallarını 31-ə çatdıran "Vilyarreal" 5-ci pilləyə yüksəlib. Ardıcıl 3-cü qarşılaşmada qol vura bilməyən "kral klubu" isə 32 xalla 4-cüdür. Amma Zinəddin Zidanın baş məşqçi olduğu komandanın ehtiyatda bir oyunu var.
Qeyd edək ki, "Vilyarreal"ın heyətində türkiyəli hücumçu Enes Ünal da çıxış edir. Ünal qolun təşkilində yaxından iştirak edib.
