İngiltərənin "Arsenal" klubu yaxın günlərdə Teo Uolkot və Aleksis Sançesi göndərərək Henrix Mxitaryanı heyətinə cəlb edəcək.
Sportnet.az-ın "Goal.com"a istinadən verdiyi məlumata görə, "Everton" Uolkot üçün London klubu ilə 20 milyon funt-sterlinq qarşılığında razılaşıb. İngiltərəli futbolçunun yaxın günlərdə yeni klubunda tibbi müayinədən keçəcəyi gözlənilir.
"Topçular" Mxitaryanla razılaşmamış Sançesin "Mançester Yunayted"ə keçidinə icazə verməyəcək.
Qeyd edək ki, "Arsenal"ın baş məşqçisi Arsen Venger heyətini gücləndirmək üçün Fransanın "Bordo" klubunun braziliyalı cinah futbolçusu Malkom və "Vest Bromviç"in müdafiəçisi Conni Evansı transfer etmək istəyir. Təcrübəli baş məşqçi bu futbolçulardan başqa Pyer-Emerik Obameyanqı da komandasında görmək niyyətindədir.
