"Açığı, belə sürətli oyun gözləmirdim. Həm birinci, həm də ikinci hissə futbolçular çox istəkli idilər".
Sportnet.az-ın məlumatına görə, bunu "Qarabağ"ın baş məşqçisi Qurban Qurbanov Türkiyənin Antalya bölgəsində Rusiya "Kuban"ı ilə 2:2 hesablı heç-heçə etdikləri yoxlama matçından sonra deyib.
46 yaşlı mütəxəssis komandasının çıxışını belə dəyərləndirib: "Düzdür, səhvlər var idi, amma bunu normal qarşılayıram. Ümumən oyundan razı qaldım, düşündüklərimi meydanda göstərməyə çalışdılar. Hər bir futbolçu meydanda özünü yaxşı tərəfdən göstərməyə çalışdı".
