Moldova milli komandasının debütantları Radu Roqak Türkiyənin Antalya bölgəsində Cənubi Koreya və Azərbaycan yığmaları ilə keçirəcəkləri yoldaşlıq görüşləri barədə danışıb. Sportnet.az-ın məlumatına görə, hazırda Özbəkistanın "Dinamo" (Səmərqənd) komandasında çıxış edən Roqak hər iki qarşılaşmadan gözləntilərinin böyük olduğunu bildirib.
Roqak bunu milliyə ilk dəfə dəvət alması ilə əlaqələndirib: "Yığmaya çağırıldığım üçün çox şadam. Mənə şans verən məşqçilər heyətinə minnətdaram. Yeni baş məşqçi Aleksandr Spiridonla ilk ünsiyyətdəcə məndə yaxşı təəssüratlar oyandı. Spiridon öz işinin peşəkarıdır. Taktika və oyunla bağlı digər məqamları məşqçilər heyəti müəyyənləşdirəcək".
Qeyd edək ki, Moldova millisi Cənubi Koreya ilə yanvarın 27-də, Azərbaycan yığması ilə isə yanvarın 30-da qarşılaşacaq.
