Bosniya və Herseqovina millisinin baş məşqçisi Robert Prosineçki ABŞ-a yollanacaq yekun heyəti açıqlayıb.
Sportnet.az-ın məlumatına görə, ABŞ və Meksika ilə yoldaşlıq görüşlərində 21 futbolçunun iştirak edəcəyi dəqiqləşib.
Onların arasında "Qarabağ"ın qapıçısı İbrahim Şehiç də var. Şehiç yığmaya birbaşa Los-Ancelesdə qoşulacaq. İlkin siyahıdakılardan 5 nəfəri öz klublarından razılıq ala bilmədikləri üçün səfərə çıxa bilməyəcəklər. Onların arasında daha bir qapıçı Nemanya Trkulya da var.
Qeyd edək ki, Bosniya və Herseqovina millisi yanvarın 28-də ABŞ, yanvarın 31-də Meksika ilə qarşılaşacaq.
