"27 gündür burdayıq, futbolçularda fiziki yüklənmə var. Bu da normal haldır".
Sportnet.az-ın məlumatına görə, bunu "Qarabağ"ın baş məşqçisi Qurban Qurbanov Türkiyənin Antalya bölgəsindəki təlim-məşq toplanışı çərçivəsində Monteneqro "Mladost"u ilə keçirdikləri yoxlama matçından sonra deyib. 46 yaşlı mütəxəssis 1:1 hesabı ilə yekunlaşan oyunu belə şərh edib: "Pis oyun keçmədi. Futbolçularım yaxşı mübarizə apardılar, səhvlərimiz oldu. Yoxlama oyunları da səhvlərimizi görüb aradan qaldırmaq üçündür. Zamanla bu səhvlər də düzələcək”.
Qeyd edək ki, "Qarabağ" Antalya toplanışını qələbəsiz başa vurub.
