Çinin "Quançjou Everqrand" klubu kolimbiyalı futbolçusu Cekson Martinezlə müqaviləni ləğv edib.
Sportnet.az-ın "Goal.com"a istinadən verdiyi məlumata görə, komanda yeni mövsüm üçün tərtib etdiyi siyahıya Martinezi daxil etməyib. 31 yaşlı futbolçuya azad agent statusu verilib.
Qeyd edək ki, "Quançjou Everqrand" Cekson Martinezi 2016-cı ildə "Atletiko Madrid"dən 42 milyon avroya transfer edib. Kolimbiyalı forvard zədə səbəbindən Çin təmsilçisində iki il ərzində 15 rəsmi matçda iştirak edib və 4 qol 2 məhsuldar ötürmə ilə yadda qalıb.
