Milli komandamız Avro-2016-nın seçmə mərhələsi çərçivəsində növbəti oyununu oktyabrın 10-da keçirəcək. Sportnet.az-ın məlumatına görə, Berti Foqtsun rəhbərlik etdiyi komanda İtaliya yığması ilə Palermo şəhərindəki "Renzo Barbero” stadionunda qarşılaşacaq.
AFFA oyunu stadiondan izləmək istəyən yarımadadakı həmvətənlərimiziə müraciət ünvanlayıb. Federasiyanın rəsmi saytında yerləşdirilən xəbərdə bildirilr ki, İtaliya - Azərbaycan görüşünə AFFA-nın xətti ilə pulsuz bilet almaq istəyən millimizin xarici ölkələrdəki azarkeşləri, İtaliyada futbol oyunlarına bilet satışı ilə bağlı mövcud qaydaya uyğun olaraq, 7 oktyabr, Bakı vaxtı ilə saat 18:00-a (Mərkəzi Avropa vaxtı ilə saat 15:00) ad, soyad, ata adı və təvəllüdü barədə məlumatı info@affa.az ünvanına göndərməlidir.
