Azərbaycan milli komandasının futbolçusu Ramil Şeydayevin Türkiyənin "Trabzonspor" klubundakı illik maaşı müəyyənləşib.
Sportnet.az-ın "Futbolarena"ya istinadən məlumatına görə, 22 yaşlı hücumçunun mövsümlük əmək haqqı 400 min avro təşkil edir. Bu isə ayda 33 min avro deməkdir.
Komandada ən çox əmək haqqı Burak Yılmaza məxsusdur. Təcrübəli forvard ildə 3,55 milyon avro qazanır. Ən az maaşı isə Yusuf Yazıcı alır. Ona ildə 46500 avro ödənilir.
Qeyd edək ki, Ramil Şeydayev Avstriya "Mattersburq"u ilə danışıqlar aparsa da, razılaşa bilməyib. Nəticədə o, "Trabzonspor"un təlim-məşq toplanışına qayıdıb. Şeydayev ötən mövsümü "Qarabağ"da keçirib.
