Türkiyənin Bolu bölgəsində təlim-məşq toplanışını davam etdirən "Sabah” komandası bu gün növbəti yoxlama oyununu keçirib.
Sportnet.az klubun mətbuat xidmətinə istinadən xəbər verir ki, rəqib qardaş ölkənin "Osmanlıspor” komandası olub. "Bolu Termal Otel”in meydançasında təşkil olunmuş qarşılaşma heç-heçə ilə yekunlaşıb - 1:1. Hesabı 13-cü dəqiqədə Tural Qürbətov açıb. "Osmanlıspor" tarazlığı 83-cü dəqiqədə bərpa edib.
"Sabah” qarşılaşmaya bu heyətlə çıxıb: 30. Saşa Stamenkoviç, 4. Tərzin Cahangirov, 5. Kərim Diniyev, 6. Vadim Abdullayev, 7. Vitali Kvaşuk, 11. Elgün Nəbiyev, 14. Tural Qürbətov, 19. Məqsəd İsayev, 21. Novruz Məmmədov, 27. Bəxtiyar Soltanov, 33. Eltun Turabov.
Qeyd edək ki, "Sabah" Bolu toplanışı çərçivəsində keçirdiyi ilk oyunda "Giresunspor”la 1:1 hesablı heç-heçə edib.
