"Sumqayıt"ın yeni transferi Aleksey İsayev "Neftçi"yə 0:2 hesabı ilə yenildikləri Topaz Premyer Liqasının ilk tur matçından sonra jurnalistlərin suallarını cavablandırıb.
Sportnet.az həmin müsahibəni təqdim edir...
- İlk dəfə idi ki, Topaz Premyer Liqasında meydana çıxdın. Təəssüratların necə oldu?
- Olduqca xoş təəssürat yarandı. Hesab edirəm ki, ilk hissədə meydanda dominantlıq eden tərəf biz idik. Əldə etdiyimiz imkanlardan istifadə edə bilmədik. Rəqib isə ilk yarıda bir normal hücum etdi. Bunu da qolla nəticələndirdi. Hesab edirəm ki, "Neftçi"nin futbolçuları fərdi ustalığa görə buna müəssər ola bildilər. İkinci hissədə isə aldığımız qırmızı vərəqə komandamızın oyununa müəyyən təsirini göstərdi. Ümumiklikdə komandamız pis təsir bağışlamadı. Düşünürəm ki, oyundan-oyuna artıracağıq.
- Hücumçunuz olmaya-olmaya kiminlə artıracaqsınız?
- Hücumçumuz var, amma gəncdir. Yeni komandayıq. İndi bir-birimizə alışırıq. Çox yaxşı kollektivimiz var. Düşünürəm ki, nəticə gələcək. Bir qədər zamana ehtiyacımız var.
- Özün necə, komandaya tam alışa bilmisənmi? Yoxsa sənin də zamana ehtiyacın var?
- Açığı komandaya alışmışam. Sadəcə, iqlim bir qədər münasib deyildi. Həddindən artıq istidir. Əslən Sibirdənəm. Bizdə havalar sərin keçir. Oyun zamanı xeyli su itirirəm. Eybi yox, buna da alışaram.
- Komanda yoldaşlarınla dil tapa bilmisən. Kiminlə isti münasibətdəsən?
- Olduqca mehriban kollektivimiz var. Ailə kimiyik. Çox şadam ki, komanda daxilində quruplaşma yoxdur.
- Legionersiz komandanın ciddi hədəflər uğrunda yarışması problem yaşatmayacaq?
- Hesab edirəm ki, bunun heç bir əngəli olmayacaq. Komandamız ən yüksək hədəflər uğrunda mübrizə aparacaq.
