UEFA Millətlər Liqasında II turun növbəti matçları keçirilib.
Sportnet.az xəbər verir ki, ikinci oyun günündə 4 liqada 8 qarşılaşma baş tutub.
A Liqasında 3-ci qrupun görüşündə Portuqaliya İtaliyanı qəbul edib. Matç meydan sahiblərinin 1:0 hesablı qələbəsi ilə başa çatıb. Bu nəticədən sonra Portuqaliya 3 xalla liderliyi ələ alıb. İtaliya və Polşanın isə hərəyə 1 xalı var.
B liqasının 2-ci qrupunda Türkiyə millisi səfərdə İsveçlə qarşılaşıb. Matç Türkiyənin 3:2 hesablı əzmkar qələbəsi ilə başa çatıb. 75-ci dəqiqədəyədək 0:2 hesabı ilə geridə olan "ay-ulduzlular" qalan bölümdə 3 qol vurmağı bacaeıb. Qrupda Rusiya və Türkiyə yığmasının 3 xalı var. İsveçin isə xalı yoxdur.
C Liqasının 1-ci qrupunda "Qarabağ"ın müdafiəçisi Ansi Aqollinin yenə ehtiyatda qaldığı oyunda Albaniya millisi səfərdə Şotlandiyaya uduzub - 0:2. 3-cü qrupda isə Monteneqro Litvanı 2:0 hesabı ilə yendiyi halda, Serbiya Rumıniya ilə bacarmayıb - 2:2.
Nəhayət, D Liqasının 1-ci qrupunda Qazaxıstan səfərdə Andorranı yenə bilməyib. Orta asiyalılar Latviya ilə birgə hərəyə 1 xalla 3-4-vü pillələri bölüşürlər. Qrupa 6 xalla Gürcüstan başçılıq edirsə, Andorranın 2 xalı var.
3-cü qrupda Azərbaycan millisi səfərdə Malta ilə 1:1 hesablı heç-heçə edib. Kosovo isə Farer adaları yığmasına 2:0 hesabı ilə qalib gələrək, liderliyi ələ alıb.
---------------------------------
Bu gün UEFA Millətlər Liqasında II turun növbəti matçları keçiriləcək.
Sportnet.az xəbər verir ki, ikinci oyun günündə 4 liqada 8 qarşılaşma oynanılacaq.
A Liqasında 3-ci qrupun görüşündə Portuqaliya İtaliyanı qəbul edəcək. İlk turda pireneylilər istirahət edibsə, İtaliya səfərdə Polşa ilə heç-heçə edib - 1:1.
B Liqasında da bir oyun olacaq. 2-ci qrupda İsveç Türkiyəni qəbul edəcək. Millətlər Liqasında debüt edəcək skandinaviyalılarla müqayisədə "ay-ulduzlular" ilk turda evdə Rusiyaya uduzub - 1:2.
C Liqasında iki qrupda 3 oyun olacaq. 1-ci qrupda Şotlandiya Albaniyanı qəbul edəcək. Britaniyalılar ilk görüşünü keçirəcəksə, balkanlılar ikinci matçına çıxacaq. "Qarabağ"ın müdafiəçisi Ansi Aqollinin də yer aldığı komanda ilk turda İsrailə 1 qolla qalib gəlib.
4-cü qrupda Serbiya Rumıniyanı, Monteneqro Litvanı qəbul edəcək. İlk turda Serbiya səfərdə Litvaya minimal hesabla qalib gəlib, Rumıniya - Monteneqro görüşündə isə hesab açılmayıb.
Nəhayət, D Liqasında 3 oyun gerçəkləşəcək. 1-ci qrupda Andorra Qazaxıstanı qəbul edəcək. İlk turda Andorra səfərdə Latviya ilə heç-heçəyə nail olub - 0:0. Qazaxıstan isə evdə Gürcüstana uduzub - 0:2.
3-cü qrupda Azərbaycan millisi Maltanın, Farer adaları yığması Kosovonun qonağı olacaq. İlk turda Azərbaycan evdə Kosovonu yenə bilməyib - 0:0. Malta isə səfərdə Farer adaları yığmasına uduzub - 1:3.
UEFA Millətlər Liqası, II tur
A Liqası
3-cü qrup
Portuqaliya - İtaliya - 1:0
Qol: Andre Silva, 48
Xal durumu: Portuqaliya - 3 xal (1 oyuna), İtaliya - 1 (2), Polşa- 1 (1)
B Liqası
2-ci qrup
İsveç - Türkiyə - 2:3
Qollar: İsaak Telin, 35. Viktor Klaesson, 49 - Hakan Çalhanoğlu, 51. Emre Akbaba, 88; 90+2
Xal durumu: Rusiya - 3 xal (1 oyuna), Türkiyə 3 (2) İsveç - 0 (1).
C Liqası
1-ci qrup
Şotlandiya - Albaniya - 2:0
Qollar: Berat Cimşiti, 47 (öz qapısına). Stiven Neysmit, 68
Xal durumu: Şotlandiya - 3 xal (1 oyuna), Albaniya - 3 (2), İsrail - 0 (1)
4-cü qrup
Serbiya - Rumıniya - 2:2
Qollar: Aleksandar Mitroviç, 26; 63 - Nikolae Stanku, 48 (p.). Tsukudyan George, 68
Monteneqro - Litva - 2:0
Qollar: Stefan Saviç, 34 (p). Marko Yankoviç, 35
Xal durumu: Monteneqro - 4 xal, Serbiya - 4, Rumıniya - 2, Litva - 0
D Liqası
1-ci qrup
Andorra - Qazaxıstan - 1:1
Qollar: Jordi Allaez, 85 - Yuri Loqvinenko, 68
Xal durumu: Gürcüstan - 6 xal, Andorra - 2, Latviya - 1, Qazaxıstan - 1.
3-cü qrup
Malta - Azərbaycan - 1:1
Qollar: Andrey Acus, 10 (p.) - Təmkin Xəlilzadə, 26
Kosovo - Farer adaları - 2:0
Qollar: Arber Zeneli, 50. Atdhe Nuhiu, 54
Xal durumu: Kosovo - 4 xal, Farer adaları - 3, Azərbaycan - 2, Malta - 1.
