Futbol üzrə Azərbaycan Premyer Liqasının XI turunda daha bir qarşılaşma keçirilib.
Sportnet.az xəbər verir ki, "Neftçi” doğma meydanda "Zirə” ilə üz-üzə gəlib. "Bakcell Arena”dakı qarşılaşma 2:2 hesabı ilə yükunlaşıb.
Premyer Liqada birinci pillədə qərarlaşan "Neftçi” bu nəticədən sonra xallarının sayını 26-a çatdırıb. "Zirə” isə 6 xalla 7-8-ci yerləri bölüşdürür.
Qeyd edək ki, günün ilk matçında "Səbail” səfərdə "Sabah”ı 4:0 hesabı ilə üstələyib. Tura sabah keçiriləcək "Sumqayıt” – "Keşlə” və "Qəbələ” – "Qarabağ” qarşılaşmaları ilə yekun vurulacaq.
---
Futbol üzrə Topaz Premyer Liqasında XI tura start verilib.
Sportnet.az xəbər verir ki, açılış oyununda "Sabah" komandası "Səbail"i qəbul edib. "Əlincə Arena"da keçirilmiş görüş qonaqların böyük hesablı qələbəsi ilə yekunlaşıb. "Səbail" bütün qolları əks-hücumların yekununda vurub. 2-ci dəqiqədə hesabı açan Ruslan Qurbanov 27-ci dəqiqədə Kevin Kubemba, 57-ci dəqiqədə isə Yevgeni Koçuka məhsuldar ötürmə verib. Moldovalı hücumçu 77-ci dəqiqədə daha bir qol vuraraq, yekyun nəticəni müəyyənləşdirib - 4:0.
Bu qələbə sayəsində xallarını 20-yə çatdıran "Səbail" 2-ci pilləyə yüksəlib. 16 xala malik "Sabah" isə 4-cü pillədə qalıb.
Günün digər oyununda "Neftçi" "Zirə"ni qəbul edəcək. Tura noyabrın 11-də keçiriləcək "Qəbələ" - "Qarabağ" və "Sumqayıt" - "Keşlə" matçları ilə yekun vurulacaq.
---------------------
Bu gün Topaz Premyer Liqasında XI tura start veriləcək.
Sportnet.az-ın məlumatına görə, ilk oyun günündə iki qarşılaşma keçiriləcək. Əvvəlcə son iki mövsümün debütantları "Sabah" və "Səbail" klubları üz-üzə gələcək. Hazırda "Sabah" 10 oyundan 16 xalla 4-cü, "Səbail" isə 17 xalla 3-cü pillədə qərarlaşıb. Bu ilin yeni komandası qalib gələcəyi halda, 3-cü pilləyə yüksələcək. Premyer Liqada ötən mövsümdən mübarizə aparan "Səbail" isə qələbə qazansa, ən azı bir günlük 2-ci pilləyə qalxacaq. Bu kollektivlər arasında yeganə qarşılaşma ilk dövrəyə təsadüf edib. Həmin matçda qapılara qol vurulmayıb - 0:0.
Günün digər matçında lider "Neftçi" ilə autsayder "Zirə" üz-üzə gələcək. Hazırda 25 xalla 1-ci pillədə gedən flaqmanla sonuncu mövqedəki qəsəbə təmsilçisi arasında 20 xallıq fərq mövcuddur. Samir Abasovun baş məşqçi təyinatından sonra da sabit nəticələr göstərə bilmən "Zirə"ni bugünkü qarşılaşmada yalnız qələbə qane edə bilər. Bu halda sonuncu pillədən qurtulmaq mümkün olacaq. "Ağ-qaralar" isə ev oyununda qələbə qazansa, turu ən yaxın izləyicisi "Qarabağ"dan ən azı 5 xalla öndə bitirəcək.
İndiyədək "Neftçi" və "Zirə" komandaları çempionatda 13 dəfə üz-üzə gəlib. Bunlardan 2-də flaqman, 8-də qəsəbə təmsilçisi qalib gəlib, 3 görüş heç-heçə yekunlaşıb. Topların nisbəti 16:9 "Zirə"nin xeyrinədir. Lakin "Zirə” son 2 oyunda xal, 3 matçda qələbə qazanmayıb. "Neftçi” isə bu komandaya indiyədək öz meydanında qalib gəlməyib. Yəni, "ağ-qaralar" bugünkü rəqibi üzərində ilk ev qalibiyyəti üçün meydana çıxacaqlar.
Topaz Premyer Liqası, X tur
10 noyabr (şənbə)
17:30. "Sabah” - "Səbail” - 0:4
Qollar: Ruslan Qurbanov, 2. Kevin Kubemba, 27. Yevgeni Koçuk, 57; 77
Hakimlər: Rəşad Əhmədov, Mübariz Haşımov, Vüqar Bayramov, Rəvan Həmzəzadə
Hakim-inspektor: Asim Xudiyev
AFFA nümayəndəsi: Seymur Səlimli
"Əlincə Arena”
19:30. "Neftçi” - "Zirə” - 2:2
Qollar: Baqali Dabo, 36. Mirabdulla Abbasov, 80 - Tellur Mütəllimov, 77. Vüsal İsgəndərli, 83
Hakimlər: İnqilab Məmmədov, Elşad Abdullayev, Knyaz Əmiraslanov, Xəlil Xəlilov
Hakim-inspektor: Əli Hüseynov
AFFA nümayəndəsi: Eldəniz Musayev
"Bakcell Arena”
Qeyd edək ki, tura noyabrın 11-də keçiriləcək "Sumqayıt" - "Keşlə" və "Qəbələ" - "Qarabağ" oyunları ilə yekun vurulacaq. Turun bütün görüşləri "CBC Sport” kanalı vasitəsi ilə canlı yayımlanacaq.
