"Neftçi” məşqləri bərpa edib.
Sportnet.az xəbər verir ki, komanda dörd günlük fasilədən sonra bu gün "Türk Hava Yolları Futbol Mərkəzi”ndə məşq keçib.
Məşqdə zədəli Ruslan Abışov, Məhəmməd Mirzəbəyov, həmçinin Azərbaycan və Haiti milli, U-21 yığma komandalarının düşərgəsində olan futbolçular iştirak etməyiblər. Hazırlıq sabah bir məşqlə davam edəcək.
Xatırladaq ki, "Neftçi” növbəti oyununu noyabrın 25-də keçirəcək. Komandamız həmin gün Topaz Premyer Liqasının 12-ci turu çərçivəsində "Səbail”in qonağı olacaq.
