19 yaşadək futbolçulardan ibarət Azərbaycan millisi Avropa çempionatının seçmə mərhələsində sonuncu oyununu keçirib.
Sportnet.az xəbər verir ki, Vüqar Məmmədin rəhbərlik etdiyi kollektiv qrup mərhələsinin III turunda Lixtenşteynlə üz-üzə gəlib.
Qarşılaşma Azərbaycan yığmasının 3:0 hesablı qələbəsi ilə yekunlaşıb. Komandanın heyətində ilk qolu 14-cü dəqiqədə Murad Mahmudov vurub. Kamran Quliyev isə 64 və 69-cu dəqiqələrdə fərqlənməklə oyunda dubla imza atıb.
Qrupun digər görüşündə İsrail Gürcüstanla heç-heçə edib - 1:1 Bu oyunların nəticəsindən sonra Azərbaycan millisi 6 xalla qrup ikincisi olub və elit-raunda vəsiqə qazanıb. İsrail komandası isə 7-cı xalını qazanaraq qrup birinci kimi növbəti mərhələyə yüksəlib.
Qeyd edək ki, Azərbaycan millisinin yer aldığı I qrupun oyunları Gürcüstanın paytaxtı Tbilisidə keçirilir. Qrupdakı ilk matçda İsrailə 1:4 hesabı ilə uduzan komanda, II görüşdə meydan sahiblərini üstələməyi bacarıb - 2:1.
Seçmə mərhələ, I qrup
III tur
17:00. Lixtenşteyn – Azərbaycan - 0:3
Qol: Nurad Mahmudov, 14. Kamran Quliyev, 64. 69
Hakimlər: Erik Lambrexts, Karel de Roker (hər ikisi
Belçika), Georgi Elikaşvili, Aleko Aptsiauri (hər ikisi Gürcüstan)
Tbilisi. Mixail Mesxi adına stadion, 2-ci meydança
Xal durumu: İsrail – 6, Azərbaycan, Gürcüstan – 3,
Lixtenşteyn – 0.