Rusiya "Spartak"ı ilə yollarını ayıran Aleksandr Səmədov karyerasını Qazaxıstanda davam etdirə bilər.
Sportnet.az-ın "Kazfootball"a istinadən məlumatına görə, 35 yaşlı yarımmüdafiəçinin xidmətində "Kayrat" klubu maraqlıdır. Almatı təmsilçisi əslən azərbaycanlı oyunçunu komandanı tərk etmiş İsaelin əvəzinə almaq istəyir. Bunadək klubda Rusiya yığmasının daha bir sabiq futbolçusu Andrey Arşavin çıxış edib.
Qeyd edək ki, Aleksandr Səmədov "Spartak"la müqaviləsini yanvarın 5-də qarşılıqlı razılıq əsasında pozub.
