"Neftçi" komandası Türkiyənin Antalya bölgəsində təlim-məşq toplanışına 24 futbolçu ilə başlayıb.
Sportnet.az-ın məlumatına görə, onlardan 3-ü qapıçı, 10-u müdafiəçi, 9-u yarımmüdafiəçi, 2-si hücumçudur. Antalyada komandaya braziliyalı yarımmüdafiəçi Dario Frederiko da qoşulub. Transferə çıxarılmış Slavko Braliç və Kvame Karikari ilə "Qarabağ"dan transfer olunmuş Turan Vəlizadə hazırlıq prosesində iştirak etmir. Braliç və Karikari klub axtarışındadır, Vəlizadə isə Azərbaycanın 19 yaşadək futbolçulardan ibarət yığmasının düşərgəsində təlim-məşq toplanışındadır.
Antalyadakı futbolçuların siyahısı:
Qapıçılar: 1.Səlahət Ağayev, 12.Kamran İbrahimov, 30.Aqil Məmmədov.
Müdafiəçilər: 3.Mamadu Mbodj, 5.Anton Krivotsyuk, 15.Ruslan Abışov, 18.Tural Axundov, 21.Məhəmməd Mirzəbəyov, 25.Kirilo Petrov, 26.Ömər Buludov, 70.Əli Şirinov, 77.Elvin Sərkərov, 95.Rəhman Daşdəmirov.
Yarımmüdafiəçilər: 6.Qoran Paratski, 7.Namik Ələskərov, 8.Emin Mahmudov, 10.Dario Frederiko, 17.Rəhman Hacıyev, 20.Elnur Süleymanov, 32.Mirkamil Əliyev, 36.Mamadu Kane, 93.Soni Mustivar.
Hücumçular: 9.Baqali Dabo, 22.Mirabdulla Abbasov.
Qeyd edək ki, "The Sense De Luxe” otelində məskunlaşan "Neftçi" hazırlıq çərçivəsində 3 yoxlama oyunu keçirəcək.
