"Bavariya”nın müdafiəçisi David Alaba ölkəsində ilin ən yaxşı idmançısı adını qazanıb. Sportnet.az-ın məlumatına görə, futbolçu ardıcıl ikinci dəfədir Avstriyada ilin idmançısı seçilib.
Gənc futbolçu ölkənin idman mediası arasında keçirilən sorğuya görə bütün namizədləri arxada qoyub. 22 yaşlı Alaba, Soçidə keçirilmiş Qış olimpiadasında gümüş medal qazanan dağ-xizək idmançısı Marsel Hirşeri 1 səslə qabaqlayıb.
Qeyd edək ki, ötən mövsüm Alaba "Bavariya”nın heyətində 40 oyunda meydana çıxıb, 4 qol və 7 məhsuldar ötürmə edib. Bundesliqa və Almaniya kubokunda birincilik qazanıb.
