İngiltərə Premyer Liqasında ilk turun mərkəzi görüşü "Mançester Yunayted" və "Çelsi" komandaları arasında keçirilib.
Sportnet.az-ın məlumatına görə, "Old Trafford" stadionunda təşkil olunmuş qarşılaşma "qırmızı şeytanlar"ın böyük hesablı qələbəsi ilə yekunlaşıb - 4:0. Qolları 18-ci dəqiqədə penaltidən və 69-cu dəqiqədə Markus Raşford, 65-ci dəqiqədə Antoni Marsyal, 81-ci dəqiqədə Daniel Ceyms vurub.
Qeyd edək ki, Premyer Liqada ilk tur avqustun 9-da start götürüb. Açılış matçında "Liverpul" evdə "Norviç Siti"ni 4:1, ertəsi gün isə "Mançester Siti" səfərdə "Vest Hem"i 5:0, "Börnli" evdə "Sautgempton"u, "Brayton" səfərdə "Uotford"u 3:0 hesabı ilə yenib. Bu gün isə "Tottenhem" evdə "Aston Villa"ya 3:1, "Arsenal" səfərdə "Nyukasl"a 1:0 hesabı ilə qalib gəlib. Daha 3 matçda heç-heçə qeydə alınıb. "Bornmut" "Şeffild Yunayted"lə 1:1 hesablı, "Kristal Pelas" "Everton"la, "Lester Siti" "Vulverhempton"la 0:0 hesablı "sülh"ə razılaşıb.
