"Kriştianu Ronaldu yığmadakı qol sayında mənə məxsus rekordu yeniləyəcək".
Sportnet.az-ın məlumatına görə, bunu İran millisinin sabiq futbolçusu Əli Daei "A Bola"ya müsahibəsində deyib. Keçmiş forvard bildirib ki, ona məxsus 109 qol həddini Potuqaliya millisinin hücumçusu keçə biləcək: "Ronaldu əla futbolçudur. Fikrimcə, bu, baş verəcək. Bütün rekordlar yenilənmək üçündür".
Qeyd edək ki, əslən azərbaycanlı olan Əli Daei milli komandaların futbolçuları arasında ən yaxşı bombardir sayılır. O, İran yığmasının heyətində 149 oyuna 109 qol vurub. Kriştianu Ronaldunun hesabında millidə 159 oyuna 93 məhsuldar zərbə var. Ronaldu Daeini keçmək üçün daha 17 qol vurmalıdır.
