Türkiyənin "Qalatasaray" klubu yenə böyük hesabla uduzub. Sportnet.az-ın məlumatına görə, "sarı-qırmızılar" bu dəfə Superliqanın X turunda evdə "Trabzonspor"a yenilib - 0:3.
Qolları 57 və 76-cı dəqiqələrdə Medjani, 86-cı dəqiqədə isə Yusuf Ərdoğan vurub. Bu, "Cim-Bom"un "Türk Telekom Arena"da cari mövsümdə ilk çempionat məğlubiyyəti, qara dənizlilərin isə İstanbul nəhəngləri üzərində 18 turdan sonra birinci qələbəsi olub. Digər tərəfdən, Ərsun Yanal "Trabzonspor"un baş məşqçi postuna ikinci qayıdışından sonra ilk sınağından üzüağ çıxıb.
Daha öncə "Qalatasaray" Çempionlar Liqasında İngiltərə "Arsenal"ına 1:4, Almaniyanın "Borussiya" (Dortmund) klubuna 0:4 və 1:4, Superliqada isə "Başakşehir"ə 0:4 hesabı ilə uduzub.
Qeyd edək ki, bu qələbədən sonra "Trabzonspor" xallarını 15-ə çatdıraraq, 5-ci pilləyə yüksəlib. "Qalatasaray" isə 19 xalla 2-ci pillədədir.
