"Qarabağ"ın Avropa Liqasının qrup mərhələsindəki rəqibi
"Dnepr" klubu bu gün Ukrayna Premyer Liqasında növbəti matçına
çıxıb. Sportnet.az-ın məlumatına
görə, Dneprpetrovsk təmsilçisi XV turda səfərdə "Zorya"ya məğlub olub.
Turnir cədvəlinin üçüncü pilləsində
qərarlaşan "Dnepr" klubu bu görüşdə qələbə qazanmaqla lider
"Dinamo"ya bir qədər
yaxınlaşa bilərdi. Lakin ilk hissəsi qolsuz keçən qarşılaşmanın ikinci hissəsində qapısında iki qol görən komanda son dəqiqələrdə 1 qol vursa da, məğlubiyyətdən xilas ola bilməyib. Bununla "Dnepr" çempionatda ardıcıl 5 oyundu qələbə üzünə həsrətdi.
Ukrayna Premyer Liqası, XV tur
6 dekabr
19:00. "Zorya" - "Dnepr" - 2:1
Qollar: Budkivskiy, 51; Seqbefia, 87 - Konoplyanka, 90
