UEFA Çempionlar Liqasının I təsnifat mərhələsində "Qarabağ" - "Sileks" (Şimali Makedoniya) oyununun keçiriləcəyi Tofiq Bəhramov adına Respublika Stadionunun ot örtüyü ideal vəziyyətdə deyil.
Sportnet.az-ın məlumatına görə, mərkəzi arenanın bəzi yerlərində otun rəngi saralıb. Hazırda stadionda örtüyün hazır vəziyyətə gətirilməsi üçün işlər davam etdirilir.
Qeyd edək ki, avqustun 18-də keçiriləcək "Qarabağ" - "Sileks" oyunu saat 20:00-da başlayacaq. Bu cütün qalibi II raundda "Şerif" (Moldova) - "Fola Eş" duelinin güclüsü ilə qarşılaşacaq.
