Bu gün UEFA Çempionlar Liqasının qrup mərhələsində V tura start verilib.
Sportnet.az-ın məlumatına görə, başa çatan 8 oyundan sonra daha 2 komanda pley-offa vəsiqə qazanıb.
C qrupunda İngiltərənin "Mançester Siti" komandasından sonra Portuqaliya "Portu"su da mərhələ adlayıb. Evdə "şəhərlilər"lə qolsuz heç-heçə edən "əjdahalar" 1/8 finala yüksəlib.
D qrupunda isə İngiltərə "Liverpul"u Niderlandın "Ayaks" klubunu minimal hesabla məğlub edərək, sonra 1 tur qalmış növbəti mərhələyə çıxmağı təmin edib.
--------------------------------------------------------------
Bu gün UEFA Çempionlar Liqasının qrup mərhələsində V tura start veriləcək. Sportnet.az-ın məlumatına görə, 16 qarşılaşmadan 8-i ilk oyun günündə baş tutacaq.
A qrupunda 1/8 finala vəsiqəni ötən tur təmin etmiş Almaniya "Bavariya"sı İspaniyada "Atletiko" ilə qarşılaşacaq. Digər matçda Rusiya "Lokomotiv"i Avstriyanın "Zalsburq" komandasını qəbul edəcək. Madrid klubu qələbə qazanarsa, Moskvadakı matçın nəticəsindən asılı olaraq, pley-offa yüksələ bilər. Bunun üçün "Lokomotiv" xal itirməlidir.
B qrupunda İspaniya "Real Madrid"i Ukraynada "Şaxtyor"la üz-üzə gələcək. "Kral klubu" çətin səfərdə rəqibini məğlub edə bilsə, qrupdan çıxmağı təmin edəcək. Qrupun digər oyununda Almaniyanın "Borussiya" (Mönhenqladbax) klubu evdə İtaliya "İnter"i ilə münasibətlərinə aydınlıq gətirəcək. Növbəti mərhələyə vəsiqə üçün Mönhenqladbax təmsilçisinə 1 xal da kifayət edə bilər. Bunun üçün "Real Madrid" "Şaxtyor"a uduzmamalıdır.
C qrupunda İngiltərənin "Mançester Siti" komandasından sonra Portuqaliya "Porto"su da mərhələ adlaya bilər. "Əjdahalar" bu tur evdə "şəhərlilər"dən xal almağı bacarsa, digər matçın nəticəsi heç nəyi dəyişməyəcək.
D qrupunda Çempionlar Liqasının son qalibi olan İngiltərə "Liverpul"u Niderlandın "Ayaks" klubunu qəbul edəcək. Mersisaydlılar qələbə sayəsində adını 1/8 finala yazdıra bilərlər. Qrupun digər oyununda Danimarka "Midtüllan"ı İtaliyada "Atalanta" ilə qarşılaşacaq.
UEFA Çempionar Liqası
Qrup mərhələsi, V tur
A qrupu
21:55. "Lokomotiv" (Moskva, Rusiya) - "Zaltsburq" (Avstriya) - 1:3
Qollar: Anton Mirançuk, 79 (penalti) - Merqim Berişa, 28, 41, Kərim Adeyemi, 81
00:00. "Atletiko" (İspaniya) - "Bavariya" (Almaniya) - 1:1
Qol: Joau Feliş, 26 - Tomas Müller, 86 (penalti)
Xal durumu: "Bavariya" - 13, "Atletiko" - 6, "Zaltsburq" - 4, "Lokomotiv" - 3
B qrupu
21:55. "Şaxtyor" (Ukrayna) - "Real Madrid" (İspaniya) - 2:0
Qollar: Dentinyo, 57, Manor Solomon, 82
00:00. "Borussiya" (Mönxenqladbax, Almaniya) - "İnter" (İtaliya) - 2:3
Qollar: Alassan Plea, 45+1, 76 - Matteo Darmian, 17, Romelu Lukaku, 64, 73
Xal durumu: "Borussiya" - 8, "Şaxtyor" - 7, "Real Madrid" - 7, "İnter" - 5.
C qrupu
00:00. "Marsel" (Fransa) - "Olimpiakos" (Yunanıstan) - 2:1
Qollar: Dmitri Payet, 55 (penalti), 75 (penalti) - Mohamed Kamara, 33
00:00. "Portu" (Portuqaliya) - "Mançester Siti" (İngiltərə) - 0:0
Xal durumu: "Mançester Siti" - 13, "Portu" - 10, "Olimpiakos" - 3, "Marsel" - 3
D qrupu
00:00. "Liverpul" (İngiltərə) - "Ayaks" (Niderland) - 1:0
Qol: Körtis Cons, 58
00:00. "Atalanta" (İtaliya) - "Midtüllan" (Danimarka) - 1:1
Qollar: Kristian Romero, 79 - Aleksandr Şolts, 13
Xal durumu: "Liverpul" - 12, "Atalanta" - 8, "Ayaks" - 7, "Midtüllan" - 1
Qeyd edək ki, V turun digər 8 oyunu bu gün keçiriləcək. Daha əvvəl İspaniyanın "Sevilya", "Barselona", İngiltərənin "Çelsi", "Mançester Siti", İtaliyanın "Yuventus" və Almaniyanın "Bavariya" klubları 1/8 finala vəsiqə əldə ediblər.
