Azərbaycan Premyer Liqasında XI tura yekun vurulub.
Sportnet.az xəbər verir ki, turun son matçında "Neftçi" "Qəbələ"ni qəbul edib.
"Bakcell Arena"dakı qarşılaşma "Neftçi"nin 1:0 hesablı qələbəsi ilə yekunlaşıb. Görüşdə qolu 90+4-cü dəqiqədə Emin Mahmudov vurub.
Bu nəticədən sonra 33-cü xalını qazanan "Neftçi" liderliyini məhkəmləndirib. Qonaqlar isə 18 xalla 5-ci pillədə qərarlaşıb.
Qeyd edək ki, günün ilk görüşündə "Zirə" səfərdə "Keşlə"ilə qollu heç-heçə edib 2:2. Dünən baş tutan matçlarda isə "Səbail" evdə "Sabah"ı 2:0 hesabı ilə məğlub edib. "Qarabağ" isə səfərdə "Sumqayıt"la qolsuz bərabərliyə razılaşıb.
-----------------------------------------
Azərbaycan Premyer Liqasında XVI turun daha bir oyunu keçirilib.
Sportnet.az-ın məlumatına görə, "Keşlə" "ASK Arena"da "Zirə" ilə qarşılaşıb. Görüş 2:2 hesablı heç-heçə ilə başa çatıb.
Matçda ilk qolu qonaqlar vurublar. 17-ci dəqiqədə Klesio Bauk fərqlənib. 2 dəqiqə sonra meydan sahibləri penalti qazanıblar. Sezar Meza Kollinin zərbəsini qapıçı Mateus Albino zərərsizləşdirsə də, topa hamıdan tez çatan Nicat Qurbanov tarazlığı bərpa edib. 21-ci dəqiqədə isə Sadio Tounkara "qartallar"ı ikinci dəfə cəzalandırıb. 60-cı dəqiqədə "Zirə" azlıqda qalıb. Dmitrios Çantakias rəqibin hücumçusu Anatole Abanqa qarşı aqressiv hərəkətdən sonra birbaşa qırmızı vərəqə ilə meydandan qovulub. Buna baxmayaraq, Rəşad Sadıqovun başçılıq etdiyi komanda 73-cü dəqiqədə Davit Volkovun qolu ilə hesabı bərabərləşdirib.Gürcüstanlı hücumçu eyni zamanda matçın yekun nəticəsini müəyyənləşdirib.
Bu heç-heçədən sonra xallarını 25-ə çatdıran "Zirə" 3-cü pillədəki mövqeyini qoruyub. 14-cü xalını qazanan "Keşlə" isə "Sabah"la birlikdə 7 - 8-ci yerləri bölüşdürür.
Turun son oyununda lider "Neftçi" "Bakcell Arena"da "Qəbələ" ilə üz-üzə gələcək.
Qeyd edək ki, dünən baş tutan matçlarda "Səbail" evdə "Sabah"ı 2:0 hesabı ilə məğlub edib. "Qarabağ" isə səfərdə "Sumqayıt"la qolsuz heç-heçəyə razılaşıb.
------------------------------------------
Bu gün Azərbaycan Premyer Liqasında XVI tura yekun vurulacaq.
Sportnet.az-ın məlumatına görə, son oyun günündə də 2 qarşılaşma keçiriləcək.
Günün ilk matçında 13 xalla son pillədə yer alan "Keşlə" "ASK Arena"da 24 xalla 3-cü sırada qərarlaşan "Zirə" ilə üz-üzə gələcək. Komandalar indiyədək ölkə çempionatında 21 dəfə qarşılaşıblar. Bunların 6-da meydan sahibləri, 7-də isə qonaqlar qələbə qazanıblar. 8 görüşdə qalib müəyyənləşməyib. Topların nisbəti də "qartallar"ın xeyrinədir - 26:25. Son 4 qarşılaşmanın hər birində ən azı 4 qol qeydə alınıb. “Keşlə” ardıcıl 6 ev oyununda qol vurub.
Turun son oyunu "Bakcell Arena"da "Neftçi" və "Qəbələ" arasında olacaq. Hazırda 30 xalı olan "ağ-qaralar" turnir cədvəlinə başçılıq edir. Əyalət təmsilçisi isə 18 xalla 5-cidir.
Bu, iki komanda arasında yubiley – 50-ci oyun olacaq. Əvvəlki 49 matçın 23-ü flaqmanın, 16-sı "qırmızı-qaralar"ın xeyrinə başa çatıb. 10 qarşılaşma isə heç-heçə yekunlaşıb. Meydan sahiblərinin vurduğu 72 qola qonaqlar 60 topla cavab veriblər. “Neftçi” ardıcıl 14 oyunda meydanı qolsuz tərk etməyib. Paytaxt təmsilçisinin son 4 ev matçında hər iki komanda qol vurub.
Azərbaycan Premyer Liqası
XVI tur
16:00. “Keşlə” – “Zirə” - 2:2
Qol: Nicat Qurbanov, 19. Sadio Tounkara, 21 - Klesio Bauk, 17, Davit Volkov, 73
Qeyri-dəqiq penalti: Sezar Meza Kolli, 18
Qırmızı vərəqə: Dmitrios Çantakias ("Zirə"), 60
Hakimlər: Elçin Məsiyev, Cavanşir Yusifov, Kamran Bayramov, Tural Qurbanov
Hakim-inspektor: Ceyhun Haşımov
AFFA nümayəndəsi: Ramiz Mustafayev
“ASK Arena”.
18:00. “Neftçi” –“ Qəbələ” - 1:0
Qol: Emin Mahmudov, 90+4
Hakimlər: İnqilab Məmmədov, Pərvin Talıbov, Nahid Əliyev, Səbuhi Bayramov
Hakim-inspektor: Anar Salmanov
AFFA nümayəndəsi: Elgiz Abbasov
“Bakcell Arena”.
Qeyd edək ki, turun açılış günündə "Səbail" evdə "Sabah"ı 2:0 hesabı ilə məğlub edib, "Qarabağ" isə "Sumqayıt"la səfər matçında qolsuz heç--heçə edib.
