Qeyd edək ki, Səmədağa Şıxlarov 1955-ci ildə Salyan rayonunun Xıllı kəndində anadan olub. O, karyerası ərzində "Neftçi" "Xəzər Sumqayıt", "Avtomobilçi", "MOİK Kiyev", "Kəpəz" və "Çıraqqala Siyəzən" komandasında çıxış edib. Şıxlarov 1974, 1977 - 1980, 1982 - 1984-cü illərdə “Neftçi”nin heyətində 152 oyunda meydana çıxıb, 30 qol vurub.
Şıxlarov 2004-cü ildə "Neftçi-2"nin, bir il sonra isə "Şirvan"ın baş məşqçisi olub. Mütəxəssis 2006 - 2008-ci illərdə "Olimpik"də, 2008-ci ildə "Neftçi" və AZAL-da köməkçi məşqçi funksiyasını yerinə yetirib.
Veteran futbolçu son illər Azərbaycan Həndbol Federasiyasında çalışıb.
“Neftçi” klubu Səmədağa Şıxlarovun vəfatından kədərləndiyini bildirir, mərhumun yaxınlarına və Azərbaycan futbol ictimaiyyətinə dərin hüznlə başsağlığı verir. Allah rəhmət eləsin!
