İtaliyanın "İnter" komandasının futbolçusu Mauro İkardi azarkeşlərdən üzr istəyib. Sportnet.az-ın məlumatına görə, A Seriyasında "Sassuolo" məğlubiyyətindən (1:3) sonra hücumçu azarkeşlərlə münaqişə yaşayıb.
Matç başa çatdıqdan sonra komanda yoldaşı Freddi Quarinlə tribunaya yaxınlaşan ikardi formalarını azarkeşlərə atıb. Nəticədən narazı azarkeşlər isə futbolçuların formalarını özlərinə qaytarıb. Daha sonra İkardi azarkeşləri təhqir edib.
Hadisədən 5 dəqiqə sonra geri qayıdan futbolçu azarkeşlərdən üzr istəyib.
Qeyd edək ki, azarkeşlərlə futbolçu arasında insident ötən gün Topaz Premyer Liqasında da yaşanıb. Hazırda "Qəbələ"də çıxış edən Cavid Hüseynovla sabiq komandası "Bakı"nın azarkeşləri arasında münaqişə baş verib. Azarkeşlərin təhqirlərinə cavab olaraq futbolçu onlardan birini vurub.
