Yeni transferi Qasper Panadero Zamora "Qarabağ" klubuna keçmək üçün 3 komandanın təklifini geri çevirib.
Sportnet.az "grada3.com"a istinadən xəbər verir ki, ispaniyalı vinger ölkəsinin "Alkorkon" və "Las Palmas", həmçinin Yunanıstanın "Atromitos" klublarının maraq dairəsində olsa da, sonda Azərbaycan təmsilçisini seçib.
İddiaya görə, 24 yaşlı yarımmüdafiəçinin qərarına təklif olunan maliyyə şərtləri və "Qarabağ"ın UEFA Konfrans Liqasında mübarizə aparması təsir edib. Onun "köhlən atlar"la 3 illik müqavilə bağlayacağı gözlənilir.
Qeyd edək ki, Qasper Panadero 2020-ci ildən "Kadis"də forma geyinib. Klub ötən mövsümün sonunda La Liqaya vəsiqə qazanıb.
