Türkiyənin "Beşiktaş" klubu İspaniya "Barselona"sı ilə yoldaşlıq oyunu keçirməyi planlaşdırır. Sportnet.az-ın məlumatına görə, qarşılaşmanın İstanbul klubunun təmiri tezliklə başa çatacaq "Vodafone Arena"nın açılış mərasimində keçirilməsi nəzərdə tutulub.
"Barselona" ilə öncədən əlaqə yaradan klub rəhbərliyi "Real Madrid" (İspaniya), "Mançester Yunayted", "Nyukasl", "Çelsi" (İngiltərə), "Milan", "Yuventus" (İtaliya) və "Bavariya" (Almaniya) ilə danışıqlara başlayacaq. Planlaşdırmaya əsasən açılış mərasimində "Beşiktaş" da daxil olmaqla 4 klubun iştirakı ilə turnir keçiriləcək.
Qeyd edək ki, yoldaşlıq görüşlərindən başqa açılışda dünya şöhrətli müğənninin iştirakı da nəzərzə tutulub.
