Azərbaycanda ilin ən yaxşı komandası müəyyənləşib.
Sportnet.az-ın məlumatına görə, bu, İdman Araşdırmalar Mərkəzinin "İlin Qalibləri-2021" layihəsində jurnalistlər arasında keçirdiyi sorğuya əsasən bəlli olub.
Premyer Liqada ötən mövsümün gümüş mükafatçısı olmuş "Qarabağ" 49 səslə bütün rəqiblərini geridə qoyub. Ağdam klubunun ən yaxın izləyiciləri - "Neftçi", şahmat üzrə qadınlardan və kişilərdən ibarət komandalara hərəyə cəmi 2 səs toplayıblar.
Qeyd edək ki, "İlin Qalibləri-2021" layihəsinin baş sponsoru "Azfar Group", sponsoru Azərbaycanın ilk idman geyimi brendi "Il`Azero", informasiya dəstəkçisi "Report", təşkilati dəstəkçisi Bakı Olimpiya Stadionudur.
