"Bütün qalibləri, daxili yarışda rəqibimiz olan “Qarabağ”ı da təbrik edirəm. Möhtəşəm rekorda imza atıblar".
Sportnet.az-ın məlumatına görə, bu fikirləri "Neftçi"nin prezidenti Kamran Quliyev İdman Araşdırmalar Mərkəzinin "İlin Qalibləri-2021" layihəsi üzrə mükafatlandırılma mərasimində deyib.
Funksioner Azərbaycanda ilin futbolçusu seçilən millinin və flaqmanın yarımmüdafiəçisi Emin Mahmudov haqqında ayrıca danışmaq istədiyini bildirib: "Komandamızın bugünkü uğurunda pay sahibi olanlardan biri və demək olar ki, birincisi Mahmudovdur. İnanıram ki, Emindən sonrakı futbolçular da ondan öyrənəcək. Emini ürəkdən təbrik edirəm".
Aldığı mükafat barədə təəssüratlarını bölüşən Mahmudov onu bu ada layiq görənlərə təşəkkür edib: "Məni seçdiyiniz üçün çox sağ olun. İlk növbədə komanda yoldaşlarıma təşəkkür edirəm. Onların da burada payı çoxdur. Canni De Byaziyə mənə inandığına görə təşəkkür edirəm. Qollarım nəticəyə kömək etmədi. Gələcəkdə çalışacağam ki, daha yaxşı oynayım".
